Book description
Uluvo mbali luqala kumbindi we-Afrika ngakulomachibi asesizikithini selilizwekazi lendzaka. Umlibo nomlando wembali yohlanga oluntsundu siwulanda umlando walo ukusuka kuNtu ongumntu wokuqala ekuphela ngaye xa kulandwa iingcambu yemveli
Author: ZANEMALI BANI
Ndizalwe ngonyaka wewaka limakhulu asithoba namashumi asixhenxe anemivo emihlanu (1975) ngomhla we 27 kwinyanga yoMdumba ndizalelwa eNgqushwa kwilali yaseBingqala.
UZanemali Sizwe uzalwa ngu Malcomes umfo kaFana ngencamu kaHlekani uMqadi, unina nguTshikini umafungwashe kaTana kaNgcungushe uMamngwevu, ndizalwa ebukhosini ndiyindlabukhosi ndingunyana kaMalcomes.
Lithe Lakuphuma ilanga ngomhla we 27February 1975 kwashukuma lonke ilizwe kwaxoxozela kweli lendzaka atyityimba amabutho kuvuyelwa ukuzityilwa ngethole duna ugwece eligwangqa elazalelwe kwisibhedlela sakwaNompumelelo xa ilanga lisithi bhota mhlaba, elalomini laqava ladlokova lisavela ilanga langa lihlolela ukuzalwa kwesiswenye umfo owazalwa selephawulwe ngebala elingwevu kunwele lakha enesiziba ngentetho ezeleyi yesixhosa,
Ndifunde amabanga am aphantsi eBingqala Primary ndayokujikela eKnight Marambana High ndayokugqibezela imatric eJabavu eDikeni. Ndinxonxothele eLovedale College ndarhabula kwaSomgxada
Ndisebenze njengelungu lesigqeba sezenkcubeko kuzwelonke (National Arts Council) member ndixilonge njengomkhwezeli wabakhenkethi (Tour Guiding) ndancedisa kwinqila komasipala abaliqela ekuqinisweni nasekuphuhliseni uqoqosho kukhenketho jikelele.
Umzukulwane kaFana noTana uzimanye ngeqhina lomtshato nentombi ezimbini iqadi elikhulu azibule kulo idla-bukhosi kufilishwe intombi yaseMahlwaneni ozibula egama linguMandisa Madubela ‘aah Nobulali !!!’ balizwa ngamantombi amabini uSimamakele noAmahle nendlalifa u-Achumile kwaze kwiqadi lasekunene wafilisha umamaQithi uNdinga uZondwa uBabalwa Mnete ‘Aah Baphuncumo!!!’ wazibula ngentombi uSokhana.
Ingonyama Inkosi yesizwe samaJobe aseNtabelanga ubukhosi ebumlando uphuma kubukumkani bamaMpondomise ngencam kaNgcuwe kaNgcwina. Amabandla akowayo xa eyibulisa akhahlela athi aah ZululamaXhosa.
