Book description
Isishwankathelo
Umbhali uveza iingxaki zoluntu ngokubanzi ingakumbi ubundlobongela, ubusela, ubudlwengu, ukubulalana, indlala nezinye.
Ukwafundisa, exhobisa, ecebisa, ethuthuzela, ekwacela umngeni ingakumbi kwiinkokheli zaseMpuma Koloni. Uqhwalelo lweenkozo nophuhliso oluhamba kancinci, nendlela abantu beli phondo abafaka ngayo isandla ekulitshabalaliseni.
Engalibalanga ukuncoma indima ethe iMpuma Koloni yayidlala kwinkululeko yoMzantsi Afrika.
Ndiyanqwala!
AMAGQABANTSHINTSI NGOMBHALI
NdinguDumile Nombebe, uNozulu. Ndizalelwe eMpuma Koloni kwisithili sakuQumbu eKhalankomo. Ndingunyana wokuqala kumadoda amabini neentombi ezimbini, uSandile, uMandisa, noThandiswa. Sizalwa ngumama uNoxolile Nombebe, intombi yooXaba, ooMashwabada, ooNomjoli kunye notata wam uVuyani Nombebe, uNozulu, uThukela. Ndilizwe ngabantwana abathathu abangaba: uSinazo, Luthando noSizungeziwe omama wabo onguNosiseko Nombebe, uNkosikazi wam.
Ndifunde amabanga aphantsi kwisikolo sakuQumbu eQotira Junior Secondary School kwilali yase Qotira phantsi komnumzana uBoya. Amabanga aphezulu ndiwafunde phantsi kwenqununu uGcwabe eKuyasa High School kwilali yase Ngxaxha.
Ndiyimbongi yosiba edandalazisa imvakalelo yayo ngolwimi lwesiXhosa. Eli lilinge lam lokuqala ekupapasheni incwadi. Ndikwanguye umzobi, umhlohli weentsibi zesiNtu kwanomenzi weebhegi.
Ndiyayithanda kakhulu iAfrika ngokubanzi, amasiko nezithethe azo ndinengqwalasela nokufuna ulwazi oluphangaleleyo.
Kwicandelo lwemibongo ndizibiza ISICAKA SEAFRIKA IMBONGI ENGANAMIDA, kwelomthungo ndizibize IKHAYA LESINTU, ndize kwicandelo lokuzoba ndizibize ART AFRICA.
Injongo yam kukufaka isandla kutshintsho lweli lizwe, iAfrika ngokubanzi inkululeko yehlabathi kwanokubaluleka kwesizwe ngokubanzi ndingakhethanga bala.
Ndiyanqwala!!
